ગુરુજી કીર્તન • લિરિક્સ
લગની લાગી નારાયણ ના નામની રે
કૃષ્ણ પ્રેમ ભર્યું સુંદર ગુજરાતી ભજન
સ્વર: હંસાબેન પોરિયા
લગની લાગી નારાયણ ના નામની રે
પીડીએફ / પ્રિન્ટ સેટિંગ્સ
ભજન લિરિક્સ
અર્થ અને સમજૂતી
ભજન વિશે
“લગની લાગી નારાયણના નામની રે, બીજી વાલી ન લાગે મને વાત” — આ ભજનમાં ભક્ત પોતાને કન્યા માનીને શામળિયા સાથેના લગ્નનું આખું રૂપક ગાય છે. ભગવાન સાથે જીવનો સંબંધ લગ્ન જેવો અતૂટ અને પ્રેમભર્યો છે, એ ભાવ એમાં છે.
લગ્નની દરેક વિધિને આધ્યાત્મિક અર્થ અપાયો છે. ગુરુજીએ સગપણ શોધ્યું અને શામળિયા સાથે નક્કી કર્યું. ભક્તે શ્યામના નામની ચૂંદડી ઓઢી છે, જાન ગોકુળથી આવી છે અને મોટા ભક્તો જાનૈયા બનીને હરિના ગુણ ગાય છે. મનનો મીંઢોળ બાંધ્યો, વિઠ્ઠલવરને વરમાળા પહેરાવી, હરિકૃષ્ણે હાથ ઝાલ્યો. જ્ઞાન અને વૈરાગ્યથી જવતલ હોમાયા, બુદ્ધિરૂપી બહેને કન્યાદાન કર્યું અને ધર્મદેવે વિવાહ કરાવ્યા. સાસરે જતાં માયા-મમતા મનમાં મૂંઝાય છે, ગુરુદેવ શીખ આપીને વિદાય કરે છે, અને અંતે ભક્તસભામાં બેસીને ભક્ત શામળિયાને નીરખે છે.
ભજનનો સાર એ છે કે સાચી ભક્તિમાં જીવ પોતાને પૂરેપૂરો ભગવાનને સોંપી દે છે, જેમ કન્યા પોતાનું ઘર છોડીને વરના ઘરે જાય છે. એ માર્ગ ગુરુ બતાવે છે, અને જ્ઞાન, વૈરાગ્ય અને બુદ્ધિ એમાં સાથ આપે છે. છેલ્લી કડી કહે છે કે જે આ ગાય, શીખે કે સાંભળે, એનો વ્રજમાં વાસ થજો.
લગ્નગીતની ઢબનું આ ભક્તિગીત સત્સંગમાં, ખાસ કરીને બહેનોની મંડળીમાં ગવાય છે.