કૈકેય વચન માગ્યા તમે આકરા રે

કૈકેય વચન તમારા બે માગજો રે, મારા ભરતને ગાદીએ બેસાડજો રે… તારો રામ વનમાં જાય, કૈકેય વચન માગ્યા તમે આકરા રે… ક્યો તો અયોધ્યા આભેથી ઉતારીએ રે, મારા રામને ન દે વનવાસ… કૈકેય વચન માગ્યા તમે આકરા રે… કોઈ કૈકેયને સમજાવજો રે, મારે કાળજે મારે છે કટાર… કૈકેય વચન માગ્યા તમે આકરા રે… માતા કૌશલ્યા રુવે રંગ મહેલમાં રે, મારો રામ વનમાં જાય… કૈકેય વચન માગ્યા તમે આકરા રે… રાજા દશરથે પ્રાણ એના છોડ્યા રે, હે અયોધ્યામાં પડી રેહળતાલ… કૈકેય વચન માગ્યા તમે આકરા રે… સુમંત હાલ્યા ભરતને તેડવાને, સુમંત કરો અયોધ્યાની વાત… કૈકેય વચન માગ્યા તમે આકરા રે… ભાઈ ભરત મોસાળથી આવ્યા રે, એ હવે અયોધ્યામાં ન હૈ રેવાય… કૈકેય વચન માગ્યા તમે આકરા રે… હે કૈકેય કુળને કલંક લગાડ્યો એ રે, રાખ્યો ભાયુમાં રે ભેદ… કૈકેય વચન માગ્યા તમે આકરા રે… ભરત કહે છે, કૈકેય સાંભળો રે, તારું મુખળું ન રે જોવાય… કૈકેય વચન માગ્યા તમે આકરા રે… ભાઈ ભરત હાલ્યા વન મારગે રે, હે! મારા રામને મળવાની હામ… કૈકેય વચન માગ્યા તમે આકરા રે… ભરત કહે, રઘુવીર સાંભળો રે, માતા કૈકેયએ કર્યો કારોકેર રે… કૈકેય વચન માગ્યા તમે આકરા રે… પુરુષોત્તમના નાથ એમ બોલ્યા રે, માતા કૈકેયને મોક્ષ મળી જાય રે…