रामापीर कीर्तन • लिरिक्स

આગમ ભાખેલા એક દિન આવશે

aagam bhakhela ek din aavse

स्वर: हंसाबेन पोरिया

આગમ ભાખેલા એક દિન આવશે

रामापीर16K व्यूज़12 मार्च 202618:22

PDF / प्रिंट सेटिंग्स

भजन लिरिक्स

18px
આગમ ભાખેલા એક દિન આવશે આવશે આવશે રણુજા નો રાઈ જો આગમ ભાખેલા એક દિન આવશે જોઈ જોઈને સંતો ચાલજો આવશે આવશે નકળંગક રાય જો આગમ ભાખેલા... પાણી રે પેલા રે પવન આવશે તે દી નહિ હોય નદીમાં નીર જો આગમ ભાખેલા .... પડીકે રે અનાજ વેચાશે કોથળી એ કાંઈ પાણી લાવે છે જો આગમ ભાખેલા.... મોટાના કહ્યા રે નાના નહીં કરે નહીં રાખે મા બાપની લાજ જો આ ગામમાં ભાખેલા... છ છ મહિનાના બાળક બોલશે હારે એની બોલી ના સહાય જો આગમ ભાખેલા.... ભાઈ ભાઈ ને તે દી નહિ બને બે ભાઈ વચ્ચે ત્રીજો ફાવી જાય જો આગમ ભાખેલા.. બગલા જેવડા રે તે દી બળદ હશે હોલા જેવડી હશે તે દી ગાય જો આગમ ભાખેલા કાળી રે કોયલ તેદી ધોળી હશે હારે તેદિ ધોળા હશે કાગ જો આગમ ભાખેલા... સસરા પારણીયે વહુજી હિલોળે નેવા ના પાણી મોભારે ચડે જો આગમ ભાખેલા ... લાજુ લોટા છે બેન દીકરીને તે દિવસે નહીં થાય રાવ કે ફરિયાદ જો ભાખેલા ચૌદ ચૌદ વર્ષે દીકરી માતા બને હા રે એને ખોળે નાના બાળ જો આગમ ભાખેલા... નર ના કયારે નારી નહીં કરે હારે તેદી રાજ નારી ના હોય જો આગમ ભાખેલા... વાળંદ હશે રે મોટો વેપારી તે દી છાશમાં માખણીયા નહી હોય જો આગળમાં ..... દ્વારે દ્વારે રે દિવડા જબુકસે બાર ગાઉ એક જ દીવડો હોય જો શેરડી માં કણ તે દી આવશે હારે એની ખીચડી ઓ રંધાઈ જોઆગમ રાખેલા... નાગરવેલ માં કણ તેદી આવશે મારે તેની ચુંદડીઓ રંગાઈ જો ઓ આગમ ભાખેલા ઉત્તર દીસા થી પારીયા આવશે ભેળા આવશે અર્જુનને ભીમ જો આગમ ભાખેલા.... સાચા રે જોગીડા તે દી જાગશે લોહી પરુની નદીઓ વહી જાય છે અગમ ભાખેલા ચારે દિશા સુરજ ઉગશે તે દી થાશે જળબંબાકાર આગમ ભાખેલા... સંવત એકત્રીસો પ્રભુ પ્રગટ છે વર્તાશે કાંઈ જય જય કારજો આગળ ભાખેલા.... બ્રાહ્મણ કુળ મારે પ્રભુ પ્રગટ છે નામ હશે નકળંગ કરાય જો આગમ ભાખેલા 14 વર્ષે રે પ્રભુ પરણશે પરણશે કાંઈ મથુરાની નારજો આગમ ભાખેલા.... કાંકરિયા તળાવે તંબુ તાણી વંથલીમાં થાય જો આગમ ભાખેલા આંબો જાંબુના સ્તંભ રોપ્યા ચોથો રોપ્યો ગઢ ગીરનાર જો આગમ ભાખેલા.... ચારે રે દિશા એમાં શંખ વાગે છે ઘોડે ચડશે રણુજાનો રાઈ જો આગમ ભાખેલા ઇ એટલા વરશે રે તોરણ બાંધશે રામદેવપીર ના મંડપ મોજાર જો જોગરે જુગના જોગી જાગશે તોરણીયા કઈ ઘેર ઘેર બંધાય જો આગમ ભાખેલા ઉત્તર દિશાથી ચાલ્યા આવશે જાનમાં આવે અર્જુન અને ભીમ જો આગમ ભાખેલા બેની રે તે દી રે લુણ ઉતારશે દીવડો લેશે રઘુવંશી નાર જો આગમ ..... સતી રે દ્રૌપદીને તારા મતી ગળગળા થી મંગલિયા ગવાઈ જો આગમ ... કળિયુગમાં પલમાં વારે વાલો આવશે જો જો આ કળજુગની એંધાણી રે આગમ .... રણુજાની રાત રળિયામણી બોલ્યા બોલ્યા અર્જુનને ભીમ જો. આગમ.... આગમવાણી ગાયને ગવડાવશે વાસ એનો રણુજામાં થાય જો આગમ ભાખેલા એક દિન આવશે . આગમમાં ભાખેલા એક દિન આવશે

अर्थ और व्याख्या

भजन के बारे में

“આગમ” એટલે આગળ શું થશે તેની વાણી. આ લાંબું ભજન રામદેવપીરની પરંપરાની આગમવાણી છે, જેમાં કળિયુગનાં એંધાણ ગણાવ્યાં છે અને ભક્તોની શ્રદ્ધા મુજબ એક દિવસ “રણુજાનો રાય” નકળંગ રૂપે આવશે એવી વાત છે. ટેક “આગમ ભાખેલા એક દિન આવશે” સાથે શરૂઆતમાં જ ચેતવણી છે: “જોઈ જોઈને સંતો ચાલજો.”

પહેલી કડીઓમાં કળિયુગનાં ચિહ્નો છે: નદીમાં નીર નહીં રહે, અનાજ પડીકે અને પાણી કોથળીએ વેચાશે, નાના મોટાનું કહ્યું નહીં માને, માબાપની લાજ નહીં રહે, ભાઈ-ભાઈને નહીં બને અને બે વચ્ચે ત્રીજો ફાવી જશે. કાળી કોયલ ધોળી અને ધોળા કાગ, નેવાંનાં પાણી મોભારે ચડે — આ ઊંધાં ચિત્રો બતાવે છે કે દુનિયાની રીત ઊલટી થઈ જશે. પછીની કડીઓમાં પ્રભુના પ્રાગટ્યનું વર્ણન છે: તોરણ બંધાશે, શંખ વાગશે, રણુજાનો રાય ઘોડે ચડશે, અને ઉત્તર દિશાથી અર્જુન-ભીમ જેવા જાનૈયા આવશે.

આ ભજનનો હેતુ ડરાવવાનો નહીં, પણ જાગૃત રાખવાનો છે. સમય બદલાય, સંબંધો અને રીતભાત બગડે, ત્યારે પણ ધર્મ અને શ્રદ્ધા છોડવાં નહીં — “સાચા રે જોગીડા તે દી જાગશે.” છેલ્લે કહે છે કે જે આ આગમવાણી ગાય અને ગવડાવે, તેનો વાસ રણુજામાં થાય.

આવી આગમવાણી રામાપીરના પાટ અને આખી રાતના સત્સંગમાં ગવાય છે, જ્યાં લાંબી કડીઓ ધીરે ધીરે ઝીલાતી જાય છે.