ભજવા દે મને ભજવા દે મારા વ્હાલા શ્રીરામને ભજવા દે

ભજવા દે મને ભજવા દે મારા વ્હાલા શ્રીરામને ભજવા દે બગડેલી બાજી સુધારવા દે મારા વ્હાલા શ્રીરામને ભજવા દે પાપ કરીને હું તો બહુ દુઃખ પામ્યો મારા તે રૂદિયા માં કાટ બહુ લાગ્યો હરિ ભજીને કાટ કાઢવા દે મારા વ્હાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે ... સગા સંબંધી મારા અંતરના બેલી અંત સમયે એ તો દેશે હડશેલી એવા સંબંધથી બચવા દે મારા વાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે ... ઉકળતા ગર્ભમાં સહાય કરી જેણે માયા ને મોહમાં વિસાર્યા તેને તૂટેલો સ્નેહ મને સાંધવા દે મારા વ્હાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે ... પારકી પંચાત માં જિંદગી ગુમાવી ખરા ખોટા વેણ બોલી દિલડા દુભાવી બાકીની જિંદગી સુધારવા દે મારા વ્હાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે ... ઘાંચીના બળદ જેમ વૈતરા વેઠીયા ભૂલ્યો ભગવાન એના કર્મ જ ફૂટ્યા હેતેથી હરિ મને ભજવા દે મારા વ્હાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે ... આધી વ્યાધી હવે દૂર કરીને સુત વીર દારા સર્વે ત્યજીને પરભવનું ભાતું મને બાંધવા દે મારા વ્હાલા શ્રીરામને ભજવા દે ભજવા દે મને ભજવા દે મારા વ્હાલા શ્રીરામને ભજવા દે