ઈતિહાસ માં અમર બની જાય એવી ભારત ની નારીયું

ઈતિહાસમાં અમર બની જાય એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી સીતાજી એવા ચૌદ વરસ એણે વનમાં વિતાવીયા ધરતી માઁ ના ખોળામાં સમાય એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી ચંગાવતી એવા કુંવર ચેલૈયાને ખાંડણીયે ખાંડિયો હરખેથી હાલરડાં ગાય એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી તોરલ દે એવા જેસલની નાવને મધદરિયે તારી પલમાં જેસલ પીર બની જાય એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી સાવિત્રી એવા સત્યવાનના જીવ માટે યમની પાછળ હાલીયા યમરાજને પાછા વાળી દયે એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી અનસૂયા એવા ત્રણેય દેવ આવ્યા પરીક્ષા લેવા પલમાં કરાવે પયપાન એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી મીરાબાઈ એવા સતને કારણીએ એને ઝેરને આરોગ્યા ઝેરના અમૃત કરે ભગવાન એવી ભારતની નારીઓ આભના ટેકા બની જાય એવી ભારતની નારીઓ... ભારતની નારી સતી સખુબાઈ એવા સતને માટે ઇ તો ઓરડિયે પુરાણા પાણીડા ભરે ભગવાન એવી ભારતની નારીઓ ઇતિહાસ માં અમર બની જાય એવી ભારતની નારીઓ... આભના ટેકા બની જાય એવી ભારતની નારીઓ...