ઢોલ નગારા વાગે પોકરણ ગઢ માં

ઢોલ નગારા વાગે પોકરણ ગઢમાં ઢોલ શરણાઈ વાગે અજમલ ના દરબારમાં પ્રગટ્યા છે દ્વારિકાના નાથ રામા રામા અજમલ રાજાએ એવી ભક્તિ કીધી આકરા લીધા છે નિયમ રામા રામા વનમાં જઈ રાયે તપ આદર્યા શિવજી સપનામાં આવ્યા રામા રામા સવા શેર ધી ના રાજન લાડુ બનાવજો ભોગ ધરાવજો દ્વારકાધીશ રામા રામા લસપસતા ઘી ના લાડુ રાણીએ બનાવ્યા ભગવાનને જમાડી તમે જમજો મારા નાથજી લાડુ લઈને રાજન દ્વારિકામાં આવ્યા ભોગ ધરાવીયો નંદલાલ રામા રામા લાડુ ન જમતા ક્રોધ રે આવ્યા જ‌ઈ કુદી પડ્યા દરિયે રામા રામા દરિયાના નીર તો ઘણા રે ઊંડેરા દરિયામાં ડૂબવાને લાગ્યા રામા રામા જો જો ભગત તમે હિંમત ના હારતા તારી વારી આવે દ્વારકાધીશ રામા રામા જમણો તે હાથ મારે વાલે લંબાઈવો ભગત ને તરતા કર્યા રામા રામા દરિયામાં સોનાની દ્વારકા રચાવી ભગત ને મારગ દેખાડ્યો રામા રામા સામે દ્વારિકામાં પ્રભુ મારા બેઠા રાજન ના દિલડા દુભાણા રામા રામા રાજનને આંખે આંસુ આવ્યા રામા રામા આવો તે મારા પ્રભુ તમને કોને માર્યા લલાટે કઈ રુધિરની ધાર રામા રામા લાડીલો પ્રેમી લો ભગત અમારો લાડુ કેરા એણે માર્યા માર રામા રામા આટલો રે ગુનો વાલા માફ મારો કરો હવે પછી નહીં કરું ભૂલ રામા રામા બોલોને રાજાને અહીંયા કેમ આવ્યા એવા તે શું પડ્યા કામ રામા રામા પાપી રે પેટ વાલા અમે છીએ વાંજીયા ભેરવા એ મચાવ્યો ઉત્પાત રામા રામા જાઓ રે રાજન તમે પોકરણ ગઢમાં જાઓ વાંજીયાના મેણા અમે ભાંગીયા રામા રામા દીકરો આપો તો પ્રભુ તમારા જેવો બીજું મારે કાંઈ નો જોઈએ રામા રામા મોટા રે બલરામ પુત્ર રે થાશે અમે કરીશું ભૈરવાનો સંહાર રામા રામા જગત વાલા તને કપટી રે કહેશે અમને વિશ્વાસ કેમ આવે રામા રામા આવવાની વાલા નિશાની રે આપો પિતાજી કહીને બોલાવો રામા રામા કુમ કુમ પગલે અમે રે આવશે ઉકળતા ઉતારશું દૂધ રામા રામા સોનલા દડુલિયો અને રૂપલા નો ગેડીયો રમતું રમાડે રામદેવપીર રામા રામા રામદેવપીરે દડુલો દોડાવો આવી ચડ્યો ભૈરવ ભૂમિ રામા રામા પર તે વારમાં રૂણીસર પધાર્યા ગુરુ બાળીનાથ બનાવ્યા રામા રામા પડકાર કરતો ભૈરવો રે આવ્યો રામદેવપીર જાલ્યો એનો હાથ રામા રામા મુષ્ટિ મારીને એને ભોમાં ભંડાર્યો ઉતારો છે ભૂમિનો ભારે રામા રામા રુણીસર નગરી ને રણુજા બનાવી રણુજા ની ગાદીએ બેઠા મારા રામદેવ રામદેવનું પ્રાગટ્ય જે કોઈ ગાશે થાશે રણુજામાં વાસ રામા રામા થાશે પોકરણ ગઢમાં વાસ રામા રામા ઢોલ નગારા વાગે પોકરણ ગઢમાં ઢોલ શરણાઈ વાગે અજમલ ના દરબારમાં પ્રગટ્યા છે દ્વારકાના નાથ રામા રામા