દીકરા ભૂલી ના જાશો માઁ

દીકરા ભૂલી ના જાશો માઁ-બાપને રે સમજીને સેવા કરજો માઁ-બાપની રે કરજો ભીના ખોળાનો વિચાર દીકરા ભૂલી ના જાશો માઁ-બાપને રે નવ નવ માસ માતાને ઉદર વસ્યો રે પ્રસુતાની વેળાએ પીડા થાય દીકરા ભૂલી ના જાશો માઁ-બાપને રે અધરાત મધરાતે માંઁ બિચારી જાગતી રે હેતે લેતી દીકરાની સંભાળ દીકરા ભૂલી ના જશો માંઁ બાપને રે કાઢી મુખેથી કોળિયો ખવડાવતી રે તો યે એનો કર્યો નહીં વિચાર દીકરા ભૂલી ના જશો માંઁ બાપને રે જ્યાં જ્યાં રમતો ત્યાં માંઁ જોવા આવતી રે લેતી રમતા દીકરાની સંભાળ દીકરા ભૂલી ના જાશો માંઁ બાપને રે કાળી મજૂરી માઁ-બાપ કરતા રે તો યે એના પૂછ્યા નથી હાલચાલ દીકરા ભૂલી ના જાશો માઁ-બાપને પા પા પગલી જ્યારે તું ભરતો રે ત્યારે હરખાય છે માંઁ ને બાપ દીકરા ભૂલી ના જાશો માંઁ બાપને રે હાલતા ને ચાલતા માંઁ હીંચકાવતી રે દીકરો મારો કે 'દી મોટો થાય દીકરા ભૂલી ના જશો માઁ-બાપને રે મોટો કરી તુજને પરણાવીયો રે લેજો દીકરા સેવા તણો તમે લાભ દીકરા ભૂલી ના જાશો માઁ-બાપને જાત્રા તીરથ કરવાથી કાંઈ નહીં વળે રે અડસઠ તીરથ છે માઁ ને બાપ દીકરા ભૂલી ના જશો માંઁ બાપને રે દીકરા એને તું પગે લાગ દીકરા ભૂલી ના જાશો માઁ-બાપને રે