આવ્યા આવ્યા રામાપીરના ઘોડા જો

આવ્યા આવ્યા રામાપીરના ઘોડા જો આવીને ઉભા રણુજા ધામમાં પિતા અજમલ વારી પૂછે વાત જો આજની રાતે રે કુંવર ક્યાં હતા? અમે ગયા હતા માલ દેના ઘેર જો રૂપા રે સતી એ વાયક મોકલ્યા પિતા અમારે વાયકના વ્યવહાર જો વાયકના વ્યવહાર એ જાવું જરૂર છે આવ્યા આવ્યા રામાપીરના ઘોડા જો માતા મીનળદેવ વારી પૂછે વાત જો માતા મીનળદેવ વારી પૂછે વાત જો આજની રાત્યો રે દીકરા ક્યાં હતા? અમે ગયા હતા પ્રહલાદજીને વારે જો રતના રે વલીએ વાયક મોકલ્યા માતા અમારે વાયકના વ્યવહાર જો વાયકના વેવારે વારુ લાગ્યું વીરા વિરમદેવ વારી પૂછે વાત જો આજની રાતે રે બાંધવ ક્યાં હતા? અમે ગયા હતા હરિશ્ચંદ્રને ઘેર જો તારા રે મતિએ વાયક મોકલ્યા વીરા અમારે વાયકના વ્યવહાર જો વાયકના વ્યવહાર એ વાર લાગ્યો આવ્યા આવ્યા રામાપીરના ઘોડા જો આવીને ઉભા રણુજા ધામમાં બેની સગુણા વારી પૂછે વાત જો આજની રાત્યો રે વીરા ક્યાં હતા અમે ગયા હતા ધરમ રાજાને ઘેર જો સતી રે દ્રૌપદીએ વાયક મોકલ્યા બેની અમારે વાયકના વ્યવહાર જો વાયકના વ્યવહારે વારુ લાગ્યું આવ્યા આવ્યા રામાપીરના ઘોડા જો આવીને ઉભા રણુજા ધામમાં